Творческий вечер Михайлова В.П.
«Ладилэн азабараз»
«Ладилэн азабараз»
Вед. Зечесь – буресь гажано эшъес!
Вед. Зечесь – буресь гурт калык, лыктэм куноос! Бур жытэн тиледыз!
Вед. Гажано эшъес! Юнме шорысь ом кутске та пумиськонмес та шулдыр гурен..Тодиськоды-а мед-а кин оте аслаз азбараз калыкез шулдыръяськыны? Нимзэ вераны быгатоды-а азбар кузелэсь?
Вед. Бен, бен. Со луэ Владимир Михайлов. Вашкала дырысен удмуртъес ог-огзэс гажаса, ог-огзы доры куное ветлыса уло. Сыче зеч сям мур йылол луэмын ни. Туннэ ми но удмурт сямен- перепечен гажаса пумитаськомы – ас гуртаз вуэм Владимир Пантелеевичез но кузпалзэ Любовь Федоровнаез.
Вед. Туэ, куартолэзьлэн 10-ти нуналаз Владимир Пантелеевич пусйиз 55 арессэ. Тулыс кысык уж дыръя отьыса ом вуэ бере, пумиськоно кариськимы туннэ. Зечкыласькомы, Владимир Пантелеевич, ортчем вордиськем нуналэныды, гуртоостылэн шуныт мылкыдзы мед юрттоз улонэти йыг-йыг вамшъяны. Сюлэмды шумпотонэн гинэ пачыласа мед улоз, улонды котьку но тунсыко, яркыт медло, ужаны быгатонды ноку но медаз кысы, задор мылкыдды кема аръес чоже медаз сия.
Вед. Сизиськомы юн тазалык, выль азинсконъес. Семьяеныды, матысь адямиосыныды шунытэсь кусыпъес. Астэ улосчиды Сергей Алексеев, та лулчеберет юртлэн кузеез, кузьма тиледлы кырзан.
Вед. Озьы ик туннэ пумиськонамы:
- мумиз Ксения Николаевна
- агай- вынъесыз Кузьма Пантелеевич но Михаил Пантелеевич.
- апаез Алевтина Пантелеевна
- но кирос анаез Дмитриева Раиса Михайловна.
Вед. Артысь Ягул – Какся гуртын вордиськем та йоно воргоронэз шаерамы тодисьтэмез овол, дыр. Солэн лякыт куараез радио тулкымъес вылын нуналлы быдэ сямен чузъяське, быдзым ожлы, шаерысьтымы дано адямиослы, нуналмысь ортчись учыръеслы – иворъеслы сизем передачаос пыр.
Вед. Владимир Пантелеевич витьтон вить арессэ туж аспортэмлыко, узыр пумита. Улон песьтэраз оломаиз но вань: статьяос но,кылбуръес но, поэмаос но, юморескаос но, серемес чуръес но, котькуд радиокылзисьлы кельшись «Чуки-беки» но «Ладилэн азбараз» крезьгуро радиоверанъес но.
Вед. Котькудизлэн гожъяськон сямыз аслаз. Владимир Пантелеевичлэн но озьы ик аслаз ужан манерез. Тросэз кылбуръесыз кыче ке но учырысь, югдурысь кылдэмын. Учыръес нош вамышлы быдэ шеде: бакчаын сугон-а будэ, сикын кузьыли-а аслыз кар лэсьтэ, губиясь-а йыромем, куаз-а зоре, тол-а шудэ кызьпуэн. Тани кылзэ али, асьтэос валалоды со учыръесыз.
Та возьматэм книгаосысь кылбуръесты лыдзозы пиналъес.
Губиясь – стр3. ( «Пужые дэрем»)
Юрттизы- стр18. ( Лобзы, лобзы) (Кузьыли)
Куазь зоре, – стр.17,3 ( «Лобзы, лобзы»)
Тол – стр.16 ( «Лобзы, лобзы»)
Вед. Владимир Пантелеевичлэсь кылбуръессэ зуч кылэ берыкто трос поэтъес, одигез соос полысь Николай Павлович Мрыхин.Тани сое адзиськоды экран вылысь. Николай Мрыхин Россиысь но Удмуртиысь писательеслэн огазеяськемзылэн езчиез, уно кылбуръеслэн авторез.Тросэз солэн кылбуръесыз кырзан луэмын ини.
Вед. Одигзэ зуч кылэ берыктэм кылбурзэ дэмласькомы кылзыны. Сое удмурт кылысь зуч лыдзисьес доры вуттиз поэт- переводчик Владимир Емельянов. Нимаське кылбур «Чипполино». Лыдзе …
Вед. Владимир Пантелеевич, Ти Россия Федерациысь писательеслэн огазеяськемзылэн езчиез. Сыче огазеяськемлэн езчиез луытозь секыт сюрес ортчоно луиз дыр?
Тодэммы потэ, Владимир Пантелеевич, литературае нырысети вамышъесты сярысь. Ку кутскиз кылбур гожъян удысты?.
Вед. Михаил Иванович Шишкинлэн но Анатолий Анатольевич Комаровлэн тани та книгаязы Можга писательеслы сизем люкетаз Рашид Хайдарлы пичи дыръяды тунсыко учыре сюремды сярысь вераськоды. Мар пумысен кык пиос озьы тиледыз сереме уськытизы?
Вед. Владимир Пантелеевич, тиляд «Кучапи» кылбурды крезьгурчиослэн синйылтэмзыя кырзан луиз. Табере сое пиналъес чемысь кырзало ини.
Владимир Пантелеевич, вералэ вал та кылбурдылэн кылдэмез сярысь?
Вед. Тау, Владимир Пантелеевич. Али пичи пиналъесты куриськомы кырзаны «Кучапи» кырзанэз. Крезьгурзэ гожтэм Геннадий Иванович Павлов Выль Юбера гуртын будэм самодеятельной композитор-- тиляд улосчиды.
Вед. Владимир Пантелеевич туж зеч кылбурчи сяна, озъьы ик умой радиокорреспондент но, радиоверась но, зеч пи но, агай но , вын но, кутэм пи но.
Вед. Зэмзэ ик зеч пи будэтиз анаез Ксения Михайловна. Пиналысен 4 нылпиосын огназ кыльыса со пыд йылазы султытиз 3 пизэ но 1 нылзэ малы ке шуоно, атайзы улонысь вазь кошкиз. Война пыр потэм, рейхстаг дорозь вуэм адями бырыны шедиз дораз.
Вед. Ксения Николаевналы 4 нылпиосты пыд йылазы жутыны секыт йотиз. Озьы ке но соос будизы, ваньзы йоно адямиос луизы. Владимир Пантелеевичлэн анай-атаез сярысь умой тодэ дыр кирос анаез Раиса Михайловна. Кыл сетиськомы тиледлы, Раиса Михайловна.
Вед. 1987 арысен ти, Владимир Пантелеевич, тыршиськоды ини радиоын. Тани та туспуктэмъесысь адзиськомы радиоын ужась эшъесыныды тыршемдэс. Гуртоос, тодмаськоды-а Владимир Пантелеевичез та адзьытонъесысь?
Вед. Удмурт калыклы туж кельше вал «Ладилэн азбарез» кылбуръесын но крезьгуръесын дасям передача. Со передачае чемысь пыриськылизы артистъес, писательес, журналистъес. Кудиз пайме но, дыр, кытысь сомында серекъятись кылбуръес шедьтиськоды, шуыса.
Владимир Пантелеевич, ку кылдиз «Ладилэн азбараз» радиошулдыръяськонъес, кин чектиз таче ним? « Чуки – беки» радиопередачалэн нуисез озьы ик ти вал-а? Малы али шер кылисько та радиоверанъес?
Вед. Владимир Пантелеевич серемес веросъес но басняос гожъя. Солэсь юморескаоссэ но басняоссэ печатлало журналъесын но книгаосын. Чузъясько соос радио пыр но. Али юморесказэ лыдзоз Ольга Иванова – ерос лул - чеберет юртысь методист.
Вед. Тросэз басняосыз пыремын тани та «Йыр вадьсын инбам» книгае . Нош кудзэ ке но баснядэз лыдзе вал асьтэос, Владимир Пантелеевич.
Вед. Владимир Пантелеевичлэн котькыче но удысын тыршемезлы паймод гинэ.Арлыдо писательеслэсь адзем карыса, со берыктон уж борды но басьтиськиз. Со гожъяськисьлэсь малпаськон дуннезэ уката узырмытэ угось. Венгер писательеслэн кылбуръесынызы, веросъесынызы «Дунай тулкымъес – Кам ярдурын» книга бордын рос-прос ужаз.
Вед. Зуч поэтлэн, Александр Сергеевич Пушкинлэн вордиськем дырысеныз 200 ар тырмонэзлы сизьыса «Капитанская дочка» повестезъя удмурт кылын радиофильмлы сценарий гожтиз. Россия радио Владимир Пантелеевичлэн сценариезъя пиналъеслы зуч кылын «Лопшо Педунь и Алдар» радиоспектакль нуэ.
Вед. Владимир Пантелеевич радиожурналистикаын но литератураын зеч ужамез понна Удмурт Госсоветлэн Почетной Грамотаеныз данъямын,
Российской Федерациысь журналистъеслэн огазеяськемзылэн «Серебряное перо» значокеныз пусъемын, Удмурт Элькунысь сие-дано журналист ним сетэмын, Владимир Романов нимо литературной премилэн лауреатэз луэ.
Вед. Али дыре Владимир Пантелеевич ужа «Удмуртия» телерадиокомпаниын корреспондент луыса, арнялы быдэ потись «Вормонлэн дуныз», «Зарни арлыд», «Даур нюжаос» радиоочеркъес, «Иворъес» радиопередачаез нуэ. Озьы ик телевиденилы дася «Иворъес» передачалы сюжетъес.
Вед. Владимир Пантелеевич ти радиопередачаостэс артист кадь нуиськоды. Артист луэмды уг поты вал-а? Потэ ке вал мар люкетиз артист луон понна? Кытысь сыче быгатонлыкъесты?
Вед. Зэмос артистъесын пумиськемды потэ-а? Катанчи сьорын артистъеслэн чиданзы быриз дыр ини сцена вылэ потэмзы потыса. Тиледыз туннэ Владимир Пантелеевич зечкылало но кузьмало тиледлы кырзанъессэс Можга еросысь лулчеберет юртысь кырзасьес Надежда Старкова но Николай Жуков. Пумиталэ соосыз.
Вед. Таин пумиськонмылэн пумыз вуиз. Тау кариськомы ваньмызлы кин пыриськиз та ужрадэ: гурт калыклы шуныт пумитамез понна, пиналъеслы удмурт кылэз гажамзы но кылбур лыдземзы но кырзан кырзамзы понна. Вазиськемзы понна пиналъеслы сетиськомы тау каронъес но пичияк кузьымъес.
Вед. Озьы ик тау карон кылъесмес вераммы потэ та юртлэн кузеезлы Сергей Александровичлы котькуд куриськонмылы капчиен вазиськемез понна, бадзым тау еросысь лулчеберет юртысь усточиослы. Тужгес но тиледлы, Владимир Пантелеевич, куронмылы вазиськемдылы но дырдэс жалятэк лыктэмдылы.
Ти понна таиз кырзан.
«Сюлэмез понытэк кырзаны уг луы»
Вечер – памяти Николаю Зубкову
( звучит запись с голосом Николая Зубкова)
Вечер – памяти Николаю Зубкову
( звучит запись с голосом Николая Зубкова)
Вед.1 Зечесь-буресь, гажано эшъес!
Вед.2 Зечесь – буресь гурт калык, лыктэм куноос!
Вед. 1 Юнме шорысь ом кутске туннэ пумиськонмес та кырзан гурен. Тодиськоды-а меда кин кырза та кырзанэз?
Вед.2 Бен-бен. Со Николай Зубков. Та нимез кылыса, пель сьорын жильыртыса кадь кутске оръяськыны та тодмо кырзан гур, малпамтэ шорысь синкылиез шапыкен васькыто бам вылти та чуръес:
( песня «Нэниелы»)
Вед. 1 Гажано эшъес! Та пумиськонмес сизиськомы туннэ бадзым но яркыт кизилилы, дано артистлы Николай Зубковлы. Солы туэ, шуркынмонлэн 26-ти нуналаз, вордиськем дырысеныз тырмысал 85 ар.
Вед.2 Вордиськемын Николай Семенович Кибьялы матысь пуштрэс писпуос полы пуксем Тутайгуртын. Паймоно кадь, пичи гинэ та гурт, нош коня дано адямиос потэмын татын- тодосчиос, дышетисьес, эмчиос но мукетъесыз.
Вед.1 Пичи Коля туж яратэ вал кырзаны.
Эшъесыныз люкаськыса, кечато кышетъеслэсь, бичаса куэм коверъеслэсь катанчи ошылизы но, сцена вылэ пуконъес пуктылыса, концерт возьматъязы.Анайессы куддыр кизэс чабо вал, жадем дыръязы нош куаретылизы но. Оло тазэ но кырзанэз кырзаллязы вал, дыр, соос.
Вед.2 Аръес ортчемъя Коля будиз.
Школаын покчи классъесын дышетскыкуз ик, пичи пилэсь жингрес куаразэ синйылтиз дышетисез. Соин, ик, дыр, кыкети классэ потэменыз шумпотэм, пияшез Алнаше школьной олимпиадае нуизы. Олимпиадаысь Коли гуртаз выль хром катаосын бертиз. Гуртазы нокинлэн но соку ой вал сыче пыдкукез. Та вал улоназ нырысети вормонэз.
Татын со нырысьсэ кырзаз калык азьын. Кырзанъесыз но калыклэн вал – такмакъес но, «Горд Армия сярысь» кырзан но. Витети классэз йылпумъямез бере, кырзанъесыз бадзымъеслы тупасесь вал: «Сулико», «Укно но шоръесад». Кылсярысь, тачеез но
Вед. 1 Сыче вал кутсконэз. Соку Николай артист луон сярысь оз но малпалля, ветлиз самодеятельносте, нош сцена вылэ потакуз, возьдаськон мылкыдыз вормылиз на. Улонэд но бен соку котырак секыт вал. Мыниз Быдзым Отечественной война. Дышетскисьеслы тодон – валанъес басьтон сярысь малпан борды итиськылизы на колхоз ужъесты дыраз быдэстон.
Николайлы \дышетсконзэ вис кароно луиз. Ужаз колхозын. Кыкети вормонзэ ваиз бусы арасьес полын куинь гужемзэ азьветлись луыса ужамез. Быдэсъямтэ ужез ик ой вал дыр солэн: кизиз, гыриз, валэн ветлиз, нюлэс кораз.
Вед. Соку, 1942 арын, колхозын ужамез понна сетизы «Отличник социалистического сельского хозяйства СССР» значок.
Со вакытэ адзиськиз егит пилэн уж борды гижысь – пиньысь кутскемез, борысь со сямыз трос пол юрттылиз вуоно артистлы дышетскыкуз но, ужакуз но.
Вед. Кин-о меда умойгес тодэ Николай Семенович сярысь? Кин быгатоз со сярысь зечгес вераны?
Туннэ асьме дорын куноын пуке Николай Семеновичлэн чыжы- выжыез Александр Кузьмич Макаров но солэн кузпалыз Нина Геннадьевна Макаровна. Куриськом тиледыз тубыны сцена вылэ. Вералэ вал, кин луэ тиледлы Николай Семенович?Кычеен кылиз со тиляд син азяды?
(Слово семье Макаровых)
Мукет чыжы выжосыз но туннэ куноын асьме дорын. Со Анисья Зубкова Озьы ик куриськомы тубыны тиледыз сцена вылэ.
Слово семье Зубковых
Ваньды понна кырзалозы али Николай Семеновичлэн (агаезлэн, апаезлэн нунокъесыз.
Вед. Азьпалан выль вамышъес – выль вормонъес. Можгаын педучилищеын дышетскыкуз, Николаез басьтизы Советской Армие.
Сизьым ар чоже со ортчиз кузь сюресэз. Вуылиз Уралэ, Белоруссие, Венгрие, Германие. Служба – со служба. Мукетъесызлэсь, вылды, трос оз висъяськылы. Но вал портэмлыкез. Чебер куаразэ дырыз-дыръя шодизы – валазы.Танковой ротаын - со кырзаны кутскись, запевала. Лапег но восьтэт мугоро пиез яратылизы усто кырзаны быгатэмез понна, абдраллязы -кытысьтыд, пе, потэ тынад сыче куараед?
Вед. Тини соку кырзась луон сярысь малпан егит муртлэн йыраз пумен юнгес но юнгес каръяськиз. Сыче малпанэз ик, армиысь бертэм бераз, сое вуттиз Ижкарысь музыкальной училище.
Со вакытэ ик Удмурт радиолэн хораз ужаз на.
Отын нырысьсэ гожтиськиз магнит пленка вылэ. Тани кылзэ али
Запись с голосом Зубкова
Вед. Берло дышетскон сюресэз Зубковез Казаньысь консерваторие вуттиз.
Нырысети араз ик дышетисез сое ветлыны косиз камерной классэ. Нош отчы мукетъессэ выжтылизы куинети курсысен гинэ. Та классын дышетскыкуз кырзалляз Шостаковичлэсь, Свиридовлэсь, Бернслэсь романсъессэс. Зол ужаз но, дышетскиз но. Консерваториез быдтиз горд дипломен. Дышетскон аръесаз ик Удмурт радиоын сизьым программа (котькудиз 20 минутэн) дасяз. Шат со вормон овол? Бадзым вормон луиз удмурт композиторъеслэн дас сборникъессы, нимысьтыз листъесын 25 удмурт кырзанъес, «Молот» журналысь но республиканской газетъесысь тросэз кырзанъес. Ваньмызлэн нотаоссы Николай Семеновичлэн тыршись киыныз гожъямын.
Вед. Та вакытэ ик Николай Зубков потаны кутске концертъесы, солэсь бас-баритон куаразэ адямиос яратыса кылзо, сое жог тодманы кутско. Тани та кырзанъесты но кырзас вылды:
«Кыче умой яратыны»
«Чупчи тупалан-а?»
Вед. Удмурт кылбурчиос, кылсярысь асьме еросысьтымы ик Пазял гуртын будэм нылкышно – кылбурчи Татьяна Чернова, Николай Зубковлы сизьыса гожтэм кылбур. Тани кылзэ али асьтэос. «Кырзась артист» кылбурзэ лыдзоз Бадзым Кибьяысь 10-ти классын дышетскись Алексеева Дина.
Вед. Консерваториын дышетсконзэ йылпумъям бераз Зубков берытске Ижкаре. Выль кужымен, бадзым малпанъесын кутске ужаны азьло дышетскем крезьгуро училищеын. Табере со ачиз дышетэ ини егитъесты кырзаны, кырзанъесты валаны, произведениосты пуштроссыя но гуръессыя эскерыны.
Та вакытэ ик татын дышетскизы тодмо удмурт кырзасьес Галина.Мурашова, Галина.Платонова, Валентина Серебрянникова, Надежда.Старкова. Туннэ асьме дорын куноын одигез соос полысь, быдэс Можга еросмылы тодмо кырзась, Николай Зубковлэн дышетэм нылыз Надежда Старкова. Куриськомы, Надежда Игоревна тиледыз сцена вылэ потыны.
Надежда Игоревна, кызьы верамы ини, ти дышетскиды Николай Семенович дорын. Вералэ вал кыче со кылиз син азяды?
Вед. Николай Семеновичлэн выль вормонэз герзаськемын йырыныз – пыдозяз удмурт филармониен. 1965-ти арысен татын со художественной кивалтись вал. Коллективын шодскымон воштиськонъес луизы. Артистъес тросгес ужало удмурт кырзанъес бордын. Удмуртие бадзымесь симфонической оркестръес вуылыку, одно ик шудо удмурт композиторъеслэсь ужъессэс, ортчытъяло творческой жытъес. Удмурт произведениослэсь композициос кылдытэмын.
Вед. Та аръесы ик Николай Семенович гурезь быдза ужез быдэстэ. Со кутскон сетиз Петр Ильич Чайковскийлы вордиськемезлы сизем крезьгуро фестивальлы. 1996 арысен кутскыса, со арлы быдэ ортчылэ удмурт элькунамы. Дуннеын одиг фестиваль но тамында пол оз ортчытъяськы. Азьло отчы палэнысь лыктэ вал кыче ке оркестр яке кырзась гинэ.Николай Семенович югдурез воштиз.
Асьме шаере кыче но быдзымесь но даноесь музыкантъес оз вуылэ. Тини озьы, Николай Семенович быгатиз данэ поттыны удмурт шаермес Россие гинэ овол, кунгож сьоры но.
Вед. Нош концертной программаосыз понна но удмурт музыкальной произведениосты калык полы паськытгес волмытэмез понна
Николай Зубковлы 1970 арын Удмурт АССР-лэн Государственной премиез но РСФСР-лэн заслуженной артистэз дано ним сетэмын. Кырзан сое калык полысь калык доры вуттиз, кырзан сое калыклы матын кариз. Нош али кылзыны дэмласькомы Александр Белоноговлэн гожтэм кылъесызъя, Николай Зубковлэн крезьгурезъя кырзанэз.«Малы тон огнад ветлиськод» кырзанэз быдэстоз Валерий Петрович Пчельников.
Вед Валерий Петрович, кошкыны эн дыртэ, вералэ вал милемлы кызьы кин ти луиськоды Николай Зубковлы ?
Вед. Трос на вал дыр Николай Семеновичлэн малпанъесыз, ванъзэ пумозяз но оз быдэсты, дыр. Лек чер висен погыртиз усто адямиез 77 аресаз гинэ потиз вал со. Уг поты секыт кылъесын йылпумъяны та пумиськонмес. Веськрес мугоро, жикыт но чылкыт дисен, пальпотись,адямиослы капчи вазиськись , вань сюлэмзэ усьтись-котьку сыче мед улоз син азямы Николай Семенович.
Вед. Нош Николай Семеновичез буре вайыса, кылзыны дэмласькомы на та артистмылы сизем «Николаю Зубкову» кылбурез. Та кылбурез лыдзозы Зайков Антон но Трегубов Саша.
Вед. Николай Семеновичлэсь чебер куаразэ удмурт калык яратэ вал кылзиськыны. Ноку но уз вунэ солэн кырзанъесыз, кылсярысь «Нэниелы» кырзанэз одиг кадь сюлэмзэ бугыртоз котькудизлэсь анайлэсь котькыче дауръесы.Та нуналъесы быдэс Россия пусъе анайлэсь нуналзэ. Зечкыласько мусо анайес тиледыз та нуналэн. Ойдолэ эшшо огпол ваньмы чош кырзаломы на Николай Семеновичлэсь «Нэниелы» кырзанзэ.Мед луоз со асьмелы ваньмылы Николай Семеновичлэн зечкыланэз.
Вед . Мылкыдды жож медаз луы Николай Семенович асьмемын овол шуыса .Асьме полын солэн кырзанъесыз.Дэмласькомы соосыз кылзыны пичияк концертамы.Ти понна кырзало Можга еросысь лулчеберет удысын ужась усточиос.
Вед. Таин пумиськонмылэн дырыз пумаз вуиз.
Гажано эшъес! Тау кариськомы ваньмызлы: кин пыриськиз та ужрадэ: гурт калыклы шуныт но зеч пумитамды понна, дано пидылэсь нимзэ утьыса воземды понна.
СЦЕНАРИЙ
юбилейного вечера к 60-летию удмуртской поэтессы Татьяны Черновой
юбилейного вечера к 60-летию удмуртской поэтессы Татьяны Черновой
(звучит песня «Дуно Пазялэ»
Стихотворение «Шаере мынам, Вало палъёс »
Стихотворение «Шаере мынам, Вало палъёс »
Вед.1.
Зечесь – буресь, гажано эшъёс!
Вед.2
.Зечесь – буресь, гурт калык, лыктэм куноос!
Вед.1.
Кыче вакытэ меда кылдо таче чебер чуръёс? Вордиськем палъёслэсь сюлэм мултэс мозмыку – а, пичи дыръя гольык пыд возь вылти бызьылэм дырез тодэ вайыку-а, яке куке сюлэмез маар ке но, яке кин ке но вось карыку –а, яке вордиськем палъёс маин ке паймытыкузы -а ?
Вед.2.
Кин быгатэ меда озъы гожтыны? Кинлы Инмар сётэ сыче быгатон: паймытись кылбуръёс гожъян, адямиез со кылбуръёсын шугъяськытытон но шумпотытон но, серекъятытон но бордытон но.
Вед.1
Сыче луэ кылбурчи. Нылкышно кылбурчи. Сыче со Татьяна Николаевна Чернова – аслаз куараеныз шодиськись но висъяськись кылбурчи. Асьме шаермес данъясь, лулчеберет удысысь дано ужась, Флор Васильев нимо премилэн но Финляндиысь Кастрен нимо огазеяськонзылэн премиезлэн
лауреатэз, журналист, Совето союзысь Писательёслэн огазеяськемазы кутэм нырысети удмурт нылкышно кылбурчи.
Вед.2.
60 ар талэсь азьло толсур толэзьлэн 15 – ти нуналаз инмын жуатскиз кизили. Калыкын верало уг: «Кин ке но вордиське ке, инмын, пе, жуатске кизили». Со кизили жуатскыку но огшоры нунал ой вал. Соку Эгра ёросысь Иты шур дурысь Гондыркушын Чужин выжыысь семьяын вордиськиз нылзы. Зэмос кылбурчи луыса, Татьяна Николаевна яратоно гуртэз сярысь тазьы гожъяз…
Вед.1. Эгра ёросын вордиськем нылмуртлы дуногес но мусогес Пазял гурт но Бадзым Уча черкогурт: татысь школаосын со дышетскиз, татын быдэ вуиз, татын ик кылдизы нырысети кылбуръёсыз. Кылбур гожъяны юрттисез луиз мумиз, Лидия Дмитриевна.
Лидия Дмитриевна – шаерысьтымы тодмо нылпи кылбурчи, лирической но ишиё чуръёс гожъясь Чужин Лида. Эгра палъёс сямен – Чужин Митрей Лидя. Стрелкова Лида. 1950-ти арысен Чернова Лида. Лидия Дмитриевна – лыдъясь – чотась, книгаосыз бергатись, общественной уже выйылэм мурт, куать нылпиослэн анайзы. Кема дыр чоже ужаз татын Пазялын библиотекаын.
Нылпиослы сизьым книгаослэн, озьы ик одиг лирической но, одиг серемес шиё кылбуръёсын книгаослэн авторзы.
Вед.2
Татьяна Николаевна оло мумизлэсь соослы пичи дыръязы лыдзем кылбуръёсты кылзиськыса, оло мумизлэн гожтэм кылбуръёсызлы синмаськыса, кутскиз кылбураны. Кыкназы но соос, Лидия Дмитриевна но Татьяна Николаевна луизы зол удмурт кылбурчиос.
Вед.1
Гажаса, пумитаськомы, тиледыз Лидия Дмитриевна но Татьяна Николаевна Пазял музъем вылын!
Вед. 2
Вашкала дырысен удмуртъёс дуно кунооссэс перепечен но кырзанэн пумитало вал. Сыче зеч сям мур йылол луэмын ини. Ми но тиледыз, Лидия Дмитриевна но Татьяна Николаевна гажаса но данъяса кузьмаськомы удмурт кырзан но перепеч.
Вед. 1.
Та чебер но йоно нылкышноос асьсэ понна гинэ лыктэмын овол. Сьоразы вуизы нуноксы но нылзы Алёна.
Алёна Петрова – творческой адями: маин гинэ уг выры. Нош ми понна со нырысь ик тунсыко гожъяськись. Лыдзисьсэ кылсуред дуннеяз пырыны быгатись. 2009-ти арын, Дарали Лели кушем ним басьтыса, пичиесь веросъёс но кылбуръё поттаны кутскиз, озьы ик со «Узы – боры» но «Пузкар» киноослы сценарий гожтиз. Али дыре ужа «Удмурт дунне» газетлэн редакцияз. Пичиысен трос лыдзиськыны яратэмез солы олокыче но удысэ пыриськыны юрттэ, чырткэм нылаш котькытчы вуэ. Отиськомы Лелиез но сцена вылэ.
Вед.2.
Мукетыз Настя нуноксы но нылзы улэ кыдёкысь Румыниысь Трансильвания шаерын, Миклош кузпалэныз но Дьёнди но Ката нылъёсыныз. Настя кылбурчи но , кырзась но оз луы ке но, та дуннемес чебергес, синмаськымонгес карыны сюлмаське. Нунокъёсызлэн атайзы профессор, этнограф, филолог но огшоры адями. Дьёнди но Ката быгато вераськыны вить портэм кылъёсын.Миклош Деметер нылъёсыныз вераське венгер кылын, нош анайзы Настя удмурт сямен.
Вед.1.
Туннэ огшоры нунал овол. Та бадзым семьяын 15-ти толсуре туж чебер юбилей пусйизы.Татьяна Николаевна!, юбилееныды зечкылан кыл куро Можга ёрос муниципал кылдытэтлэн лулчеберетъя, спортъя но егитъёсын ужанъя ёзэтэн кивалтись Альфия Музиповна Латыпова но Можга ёрос библиотекалэн тороез Светлана Анатольевна Сидорова.
Вед.2
Татьяна Николаевна! Ми но итиськиськом та зечкыланъёс борды. Сюлмысьтымы сизиськомы шумпотонэн пачылам яркыт, тунсыко улон. Гожъяны быгатонды ноку но медаз кысы, кема аръёс чоже медаз сия. Гуртоостылэн шуныт мылкыдзы мед юрттоз улонэти йыг – йыг вамышъяны.
Вед.1.
Сизиськомы капчи мылкыд, юн тазалык, Вань кутскем но малпам ужъёстылы азинлык. Ошмес син кадь чылкыт улон. Котькуд нунал тиледлы шумпотон гинэ мед кузьмалоз.
Астэ улосчиды Пазял гуртын вордиськем но будэм Кузьма тиледлы кырзан.
Вед.2
Котькудиз кылбурчи пачылмем мылкыдзэ бумага вылэ кисьтон азяз малпаське дыр: мар выльзэ сётыны быгатоз со лыдзисьлы, маин паймытоз, шумпоттоз, кылёз –а гожтэмез лыдзисьлэн сюлэмаз, шунтоз –а сое, сётоз-а кужым адямилы кайгузэ вормыны, кылёз-а гожтэмез шудбурзэ сэзь бурдо карыны.Татьяна Николаевналэн потиз куинь кылбуръёсын бичетэз, Тани соосты адзыны быгатиськоды чагыр экран вылысь
Но зуч кылбуръёсыныз огазеям кылбур бичетэз «Мир женской души».
Татчы Татьяна Черновалэн кылбуръёсыз сяна пыризы на Алла Кузнецовалэн, Людмила Кутяновалэн но Галина Романовалэн кылбуръёссы.
Вед.1.
Татьяна Николаевна кылъёссэ юнме уг вера. Солэн чуръёсысьтыз шодоно улонлэсь нюко – гопо палзэ. Котьмар сярысь мед гожтоз автор, сое ваньзэ гожтэ ас синъёсыныз адзыса, ас пыртиз поттыса.
Вед.2
Солэн кылбуръёсаз жож мылкыд адямиез уг куасалты. Сое со уката кыдатэ но чебергес каре. Кылбуръёсысьтыз валано мар со шудбур – уждэ гажан, адямиослы зеч лэсьтон, борсяд инты кельтон, ас интыдэ шедьтон.Тани кылзэ али та кылбурез та возьматэм книгаысь , асьтэос валалоды.
Вед.1.
Узыр удмурт шаермы дано адямиосын. Одигез соос полысь луэ Романова Галина Васильевна – удмурт кылбурчи, прозаик. Журналист, Россиысь писательёслэн огазеяськонзылэн ёзчиез, Удмуртия но Россия федерациысь дано ужась. Татьяна Николаевна эшты тиледыз зечкыланы вуэм.
Озьы ик Татьяна Николаевнаез зечкыланы дыртэ..
Вед.2.
Крутихин Сергей Иванович. Та нимез кылыса ик, сюлэм лоптэ. Азьмынись, заводила, зеч мылкыдо адями, калыклэн яратонэз кузьма, Татьяна Николаевна тиледыз зечкыласа, тиляд кылъёстыя гожтэм «Куарадэ но вунэти ини» кырзанэз
Вед.1.
Игра ёросысь Зура черко гуртын вордиськем та йоно кышномуртэз удмурт шаерамы тодисьтэмез овол, дыр.
Дас арлэсь кема, ужаз Татьяна Николаевна «Советской Удмуртия» - али «Удмурт дунне» газетлэн редакцияз: вал корреспондент но, лулчеберетъя ёзэтлэн редакторез но. Газет бамъёсын потылизы элькунмылэн лулчеберетъя улонэз сярысь статьяосыз, лыдзисьёсты тодматылиз литература но искусство удысысь дано адямиосын.
Вед.2.
Татьяна Николаевна 60 арессэ туж аспортэмлыко пумита. Улон песьтэраз оломаиз но вань: статьяос но, кылбуръес но, веросъес но шаржъёс но, драмаос но.Кылсярысь поэтессалэн быгатонлыкез яркыт усьтиськиз, «Айно» лирико – романтической музыкальной драма бордын ужакуз, сое гожтиз В.Ушаков режиссёрен чош. 1999-2002 аръёсы та ужзы возьматэмын вал Удмурт драмтеатрлэн сцена вылаз.
Вед.1
Татьяна Николаевна!
Туннэ тиледыз зечкыланы лыктиллям школаын (яке нылпи садын?) дышетскись пиналъёс но. Соос но анай – атайесынызы чош ярато тилесьтыд кылбуръёстэс лыдзыны, тиляд кылъёстыя гожтэм кырзанъёсты но кырзаны.
Ти понна, Татьяна Николаевна, тиледыз яратыса но гажаса, кузьмало нылпиос… та кырзанэз.
Вед.2.
Котькудизлэн, гожъяськон сямыз аслаз шуи ке, пичи но уг янгыша, дыр. Татьяна Черновалэн но озьы ик аслаз ужан манерез. Тросэз кылбуръёсыз кыче ке но учырысь, югдурысь кылдэмын. Учыръёс нош вамышлы быдэ шедё: бакчаын сяртчы – а будэ, макаронэн шыд – а, яке жук – а уртчыса позе. Тани кылзэ али, нырысети классын дышетскись пиналъесты но асьтэос валалоды со учыръёсыз.
Вед.1.
Нош али Татьяна Николаевнаез зечкылан кыл куре ООО «Родинаен» кивалтись Петр Анатольевич Санников.
Вед.2.
Татьяна Чернова сярысь вераськонмес азьланьтыса вераме потэ на, солэсь кылбуръёссэ портэм кылъесы берыкто, шуыса: Украина, эстон, бигер, мари, мордва, чуваш, коми.
Зуч кылэ но берыкто трос поэтъёс. Одигез соос полысь Ижкарын врдскем зуч поэт – Олег Никитич Хлебников.Олег Хлебников 1980 арысен ини Россиысь писательёслэн огазеяськемзылэн ёзчиез луэ, уно кылбур гуръёслэн авторзы.
Вед.2.
Одигзэ зуч кылэ берыктэм кылбурзэ дэмласькомы кылзыны. Сое удмурт кылысь зуч лыдзисьёс доры вуттиз поэт – берыктись Владимир Семенов. Нимаське кылбур «Дорогие слова».Сое лыдзоз
Вед.1.
Нош али Татьяна Николаевнаез зечкыланы кыл куре интыысь администрацилэн кивалтисез Рябов Владимир Петрович.
Вед.2.
Туннэ чузъяськизы зечкыланъёс. Чебер кылъёс но сизёнъёс. Нош али тиледлы вазиськеммы но кыл сётэммы потэ, Татьяна Николаевна.Татьяна Николаевна, ти нырысетиосыз удмурт нылкышно – кылбурчиос полысь Россия Федерациысь писательёслэн огазеяськонзылэн ёзчиез луиськоды. Сыче огазеяськемлэн ёзчиез луытозь секыт сюрес ортчоно луиз дыр? Тодэммы потэ, Татьяна Николаевна, литература гурезе нырысети вамышъёсты сярысь. Ку кутскиз кылбур гожъян удысты?
Вед.1
Нош тиляд нылъёсты мынизы –а кылбур сюресэ, пычаз-а соослы чужанайзылэн но мумизылэн кылбуранзы?
Вед.1.
Кылыкын Татьяна Черноваез тужгес но тодо кылбурчиез, уно гинэ тодмо кырзанъёслэсь авторзэс сямен. Кылсярысь «Трос – а кулэ милемлы?» кылбурды ик крезьгурчиослэн синйылтэмзыя калык полы волмыса, кырзан луиз. Табере сое чемысь кырзало ини. Вералэ вал та кылбурдылэн кылдэмез сярысь
Вед.2.
Тау, Татьяна Николаевна. Али ти понна чузъяськоз «Трос – а кулэ милемлы» но « кырзанъёс. Крезьгурзэ гожтэм Пантелей Николаевич Кузнецов Алнаш ёросын Дятлево гуртын будэм самодеятельной композитор. Кырза Пазялысь ветеранъеслэн «Мылкыд» ансамбльзы.
Вед.2.
Татьяна Николаевна, зэмос артистъесын пумиськемды потэ – а ? Катанчи сьорын артистъеслэн чиданзы быриз, дыр, ини сцена вылэ потэмзы потыса.
Тиледыз туннэ Татьяна Николаевна зечкыла но кузьма тиледлы кырзанъёссэ Можга ёросысь Бадзым Уча черкогуртысь лулчеберет юртысь, Сергей Иванович Крутихинлэн кивалтэмез улсын «Чибори» ансамбль. Пумиталэ соосыз.
Вед.1
Таин пумиськонмылэн пумыз вуиз. Тау кариськомы ваньмызлы, кин пыриськиз та ужрадэ: гурт калыклы шуныт пумитамез понна, пиналъеслы удмурт кылэз гажамзы но ужрадамы пыриськемзы понна. Вазиськемзы понна пиналъеслы сетиськомы тау каронъес но пичияк кузьымъес.
Вед.2.
Озьы ик тау карон кылъесмес вераммы потэ та лулчеберет юртын ужасьёслы, бадзым тау Бадзым Уча черкогуртысь лулчеберет юртысь «Чибори» ансамбльысь усточиослы но соослэн кивалтисьлы Сергей Иванович Крутихинлы. Тужгес но тиледлы, Татьяна Николаевна, куронмылы вазиськемдылы но дырдэс жалятэк ми доры лыктэмдылы. Сизиськомы кылбурет ошместылы уката сэзьгес но жингрес жильыртыны. Гожъян пероды ноку но медаз ныжомы, гожъяськыны мыло – кыдо луэ, юн тазалык
Вед.1.
Ти понна таиз кырзан. Ойдолэ ваньмы чош кырзаломы удмуртъеслэсь куноосын люкиськыкузы «Ум люкиське» кырзанзэс.